ANG PAGTATALAKAY SA PINAGMULAN NG MGA PANGALAN NG MGA BAYAN DITO SA CAMARINES SUR

Ang nagbigay ng tribya ngayong umaga ay si Diwata na patungkol sa AIDS. Maraming kaming natutunan sa kanya, katulad ng mga sumusunod:

- ito ang pinahuling yugto ng HIV

- hindi ito nakakahawa sa pamamagitan ng taong may AIDS, paggagamit sa parehong plato, kutsara, tinidor o baso, pagkagat ng lamok sa taong may AIDS patungo sa iba; sapagkat mahina ang nasabing bayrus sa labas ng katawan ng tao, madali ito mamatay at mananatili lamang sa loob ng isang tao, kung saan ito ay mabilis na dumarami at pinapatay ang mga anti-bodies ng tao

- nakakahawa ito sa pamamagitan ng pakikipagtalik

- nagmula ito sa bansang Africa at tinawag na "grid"

- ang bayrus ay galing sa mga unggoy

-walang sintomas napinapakita sa unang yugto ng sakit

-tanging mga eksperto lamang ang nakakadetikta sa pamamagitan ng masusing pag- iimbestiga sa loob ng isang tao

Pagkatapos ng pagbibigay ng tribya tumungo na kami sa talakayan sapagkat walang nagbigay ng balita. Ang nagtalakay ay si Mark Anthony sapagkat siya rin ay pinaulit ni Sir Irvin. Nang matapos na siya, pumunta ang aming guro sa unahan upang italakay ang mga pinagmulan ng mga pangAan dito sa Camarines Sur. Nagtanong din siya sa aking mga kaklase sa pinagmulan o alamat ng kanilang bayan. Ngunit hindi namin ito natapos.

Mga Bayan sa Camarines Sur - Alamat o Pinagmulan ng Pangalan

• Baao - baoo (hayop)


• Balatan - pangalan na Mayor


• Bato - maling dinig ng Kastila


• Bumb0on - maling dinig ng Kastila sa bonbon ( pagkatay ng manok)


• Buhi - nakatakas sa pagputok ng Mayon Volcano


• Bula - (walang may alam sa'min)


• Calabanga - maraming mga kabalang o sa ibang bersyon din kalakbalangan


• Camaligan - maraming kamalig


• Canaman - cana


• Caramoan - kara at namo


• Del Gallego - pangalan


• Gainza - apelyido ng pari


• Garchitorena - pangalan


• Goa - (walang may alam sa'min)


• Iriga - "Iraga" - may lupa (daga sa Bikol)


• Libmanan - limawan


• Lupi - damong "lupi"


• Magarao - damong "garaw"


• Milaor - "me - laor" - may tubig


• Minalabac - mina - lubog, mina - lubac


• Nabua - mga "bua" o ampolo


• Naga - ahas o narra


• Ocampo - (walang may alam)

ANGPAGBIBIGAY HALIMBAWA NI SIR IRVIN NG AWIT

Hindi nasunod ang dapat na kaganapan o ang pasunod-sunod na pangyayari sa klase. Ngunit nagbigay naman ng mga halimbawa si Sir Irvin sa Awit. Ito ay isinulat noong 1920's ni Mariano Villafuerte, kung saan, ito ay ang ama ng aming Congressman na si Luis Villafierte, upang magandang pakinggan at magkaroon ng buhay - ito ay tungkol sa ating Ina - "Nuestra Señora de Peñafrancia". At nagbigay pa siya ng ibang halimbawa - Ang "Istorya can Canaman".

• Ang nilalaman ay galing sa mga pag-aaral na isinagawa o galing sa kasaysayan, ngunit isinulat sa isang masining na paraan.

ANG PAGPLAPLANO SA "CHRISTMAS PARTY"

Kami ay nagkaroon ngayong umaga ng pagplaplano sa gagawin na "Christmas Party na magaganap sa Disyembre 18, taong kasalukuyan, tinawag din itong "Year -End Party" ng aking mga kaklase. Ito ay pinasimulan ng aming Mayor na si Edizon. Naging maayos naman ito at nagkaroon ng isang kaisipan. Inilagay ni Sir Irvin sa pisara ang mga kailangan na isumite sa kanya tulad ng Reaction Paper sa ginanap na aktibiti, bugtong, salawikain, sawikain, o kasabihan ng mga Bikolano, librong hindi nabenta, blog address, drafts at written report ng tribya at balita.

ANG PAG-UULAT MULI NI JINNELYN

Ang nagbigay ngayong umaga ng tribya ay si Doming na patungkol sa "Christmas Tree". Walang nagbigay ng balita, kung kaya't tumungo na kami sa talakayan. Muling nagtalakay si Jinnelyn sa Panitikan, subalit hindi siya natapos pero ipagpapatuloy naman ito sa susunod na araw. Sinabi ni Sir na humanap daw kami ng mga uri ng tula.

ANG PAGKAKAROON NG BIGLAANG MAIKLING PAGSUBOK

Pagkatapos ni Sir Irvin na mag-tsek ng atendans, pinakuha niya kami ng isang apatang-papel sa pagkat magkakaroon kami ng maikling pagsubok ukol sa Panitikan na tinalakay ni Jinnelyn, Mark Anthony at Marlon. Ito ay may bilang na dalawampu. Nakakuha ako ng labing-apat na tama. Ibinigay ni Sir Irvin ang mga kinakailangan para sa prelims, ito ay ang mga drafts,written report ng tribya at balita, lista ng pumasa ng Bikolanong Literatura, banghay-aralin at blog. Nagkaroon ng kami ng takdang-aralin na kung saan magpapasa ngkami ng bugtong, salawikain, sawikain, o kasabihan ng mga Bikolano. Magpipili lang kami rito at limang halimbawa lamang. Ipinaalala niya sa amin ang aming proyaekto sa sabjekt na ito, ang dokyumentasyon sa naganap na Literary Contest. Sana ay maipasa na ito ng aming mga opisyal sa klase.

ANG PAGPUPULONG PARA SA "MGA NANALO" SA GINANAP NA LITERARY CONTEST

Nagsagawa kami ng pagpupulong ngayong umaga, ito ay para sa mga nanalo sa Tigsik at Rawit-dawit. Napagdesisyunan na sa Room 206, gaganapin ito. Ngunit, hindi ipapaalam sa buong klase ang mga nanalo, ilan lamang na mag-aaral sapagkat sila ang naatasan na na magsabi sa mga estudyantena nanalo sila. Ipinaalam din, ang mga hindi pa raw na nagbabayad upang sila ay makonsensya. Napakaingay ng buong klase at hindi ko maintindihan kung ano ang pinagsasabi sa unahan ng aming mayor at bise-mayor. Nagtanong si Sir Irvin sa buong klase, kung sino raw ang gustong magbenta ng libro upang magkaroon ng pondo ang klase, pati na rin ang magbebenta. Ako ay nagtaas ng kamay, kasi gusto kong bumili at magbenta ng libro. Binigyan ako ng apat na libro ni Sir. Tinanong din niya kung sino raw ang susunod na magtatalakay. Ngunit hindi ko narinig kung sino. Ang iba naming kaklase ay abala sa pagsagawa ng mga disenyo at letra para mamaya. Wala na naman nagbigay ng tribya, balita at talakayan.

ANG ARAW NA HINIHINTAY -"ANG ACTIVITY DAY"

Ngayon na malalaman ang lahat, sapagkat ito na ang araw ng "Activity Day", kung saan mangyayari ang Literary Contest na inorganayst naming BEEd-2. Napakaunti naman ng sumali para sa Tigsik at Rawit-dawit. Naisip ko tuloy na hindi magiging maganda ang resulta nito, sa ibang salita - hindi matagumpay. Pero sana dumagdag ang mga sasali. Karamihan sa amin ay naging abala para rito. Pagkahapon, ibinigay na ang hatol kung sino ang mga nanalo para sa dalawang kategorya. Inayos muli ang dinausan - ang laybrari, sapagkat tapos na ang contest.

• Ang laybrari ay naging lugar upang ibigay ng mga kalahok ang kanilang ginawang komposisyon.

ANG PAGSASAGAWA NG KANYA-KANYANG ASAYMENT PARA SA LITERARY CONTEST

Ngayong umaga ay hindi nasunod ang kaganapan sa klase. Walang nagbigay ng tribya, balita, at talakayan. Ngunit nag-usap-usap kami ukol sa gagawing Literary Contest, at napagdesisyunan na ang bawat isa ay gagawin na ang kanilang mga asayment. Ako ay naatasan na magbigay ng anawsment sa ECE, kung kaya't kami ay aalis na dito sa klasrum upang ilahad sa kanila ang tungkol sa contest. Pero bago kami pumunta doon, nagbigay na muna kami ng anawsment sa ME, sapagkat kasama ko ang mga naatasan sa kanila, at iisa lamang na papel ang ipapakita sa guro upang mabigyan ng permiso na maglahad. Naging maayos naman ang pangyayari. Sana maraming sumali sa kanila.

ANG PAGSUSUMITE KAY SIR IRVIN NG LITERARY MASTER PIECE NA GAWA NG MGA BIKOLANO

Ang katabi ko na at kaibigan na si Eva ang nagbigay ng tribya ngayong umaga na tungkol sa Edukasyon kung saan patungkol din sa Panitikan. Nagkaroon na naman ng mga katanungan at suhestiyon si Sir Irvin sa pagbibigay namin ng tribya. Naguguluhan na naman ako, kasi parang may kulang sa isinulat ko sa papel na tribya ngunit hindi ko na ito papalitan kasi sayang sa coupon bond, siguro maiintindihan na lang iyon ni Sir ang isinulat ko. Walang nagbigay ngayon ng balita dahil tumungo na kami sa naudlot na pag-uusap o pagpupulong tungkol sa Literary Contest. Kahapon, maraming tinext si Sir Irvin na magsusumite raw kami ng isang literary pieces na gawa ng mga Bikolano Bago dumating ang mga Kastila o Panahon ng mga Kastila, na ibibigay sa kanya ngayong linggo, ngayon ay araw ng Biyernes, kaya maaaring nangangahulugan ito na ngayon kami magbibigay. Wala pa akong maisusumite kay Sir kasi hindi pa ako nakakapag-research nito, pero sabi ni Sir sa isa naming kaklase, pwede pa raw sa Lunes, kaya ayos lang kung mahuli, kasi para raw ito sa aming Literary Contest kung saan maaari itong ilagay sa dadausan na lugar - ang laybrari. Kahit ano raw na uri ng Panitikang Bikolano basta nakasulat sa dayalektong Bikolano.

ANG PAGTATAMA NI SIR IRVIN SA PAGKAKAMALI NA NAGAWA KO SA PAGBIBIGAY NG TRIBYA AT KAY MERYGEN NAMAN SA BALITA

Ako naman ngayong umaga ang magbibigay ng tribya sa harapan ng buong klase na tungkol sa artikulong "Stomach bug-treatment para sa kanser" ni jaggerkieth. Samantalang si Merygen naman ang magbibigay ng balita. Mayroon akong nalabag sa gustong mangyari ni Sir sa pagbibigay ng tribya kagaya ng mga nauna pa sa amin na nagbigay nitong dalawa. Medyo naintindihan ko ng kaunti ang kanyang gustong sabihin, iniisip ko na "perpeksyunist" si Sir kasi palagi na lang kami may mali at palagi na lang siya nagtatanong pero ayos lang kasi para naman ito sa amin, upang kami ay matuto at gumawa ng maayos batay sa alituntunin. Kaya babaguhin ko ang pormat ng aking tribya na naayon sa nais niya.

Pagkatapos namin dalawa ni Merygen at sa pagtatama ni Sir Irvin tumungo na kami sa pag-uusap-usap o pagpupulong tungkol sa isasagawang Literary Contest ngunit hindi na naman kami natapos kasi dumating na ang takdang oras para sa susunod na sabjekt.

ANG PAGPAPALAM NI SIR IRVIN NA KAMI AY MAG-OORGANAYST NG ISANG "LITERARY CONTEST"

Ang katabi ko na si Cyra ang nagbigay ngayong umaga ng tribya na patungkol sa isang uri ng Panitikan - Ang Patula. Nalaman namin na ito pala ay kinakanta noong unang panahon at ang may-akda ay kinakailangan na huwag tatapusin ang kanyang komposisyon upang dugtungan ng kanyang katabi o iba pang nakikinig sa kanya, na naayon naman sa paksa ng tula. Samantalang si Gherlyn naman ang nagbigay ng balita na patungkol sa ulat-panahon din, kagaya ni Shiela Mae noong nakaraang araw. Nagbigay rin si Sir Irvin ng kanyang sariling tribya, nalaman namin na siya pala ang naggawa ng Bikol Wikipedia, nasabi ko tuloy sa sarili ko na ang talino talaga ni Sir. Ibinigay niya ang pormat na aming susundin kung kami raw ay magbibigay ng tribya o balita. Ang karamihan ay naguguluhan at hindi maintindihan ito, lalung-lalo na ako, natatakot ako, kasi ako na ang susunod na magbibigay ng tribya tapos hindi ko pa nakukuha ang gusto niyang sabihin (lagot na ako).
Ipinaalam niya pala sa amin na sa susunod na linggo ay ang "National Book Week" na may tema na "Ang batang palabasa dalubhasa sa kultura". Kami raw ay mag-oorganayst ng isang Literary Contest na pumopokus sa dalawang uri ng Panitikan ng mga Bikolano ang Rawit-dawit at Tigsik, nais kasi ni Sir Irvin na pagyamanin daw natin ang Panitikang Bilkolano. Kami ang naatasan dito kasi mayroon na raw gagawin ang ibang klase. Iniisip ko na napakahirap naman ng pinapagawa ni Sir Irvin, una iyong blog ngayon naman ito, pero kung iisipin sa ibang banda maganda naman ang epekto nito para sa amin, kasi magiging responsable kami at malalaman namin ang pagagawa ng iba't ibang gawain o tungkulin at bago na naman itong eksperyens. Sana ay magawa namin ng maayos ang blog at itong Literary Contest. Marami palang gagawin upang maisakatuparan itong contest, napakahirap naman, ang matatambakan ng trabahio rito ay ang opisyal ng klase. Ito pala ang mga opisyal ng BEEd-2 ngayong pangalawang semestre:


Mayor: Edison Cañas
Bise-Mayor: Robert Arrabis
Kalihim: Sherelyn Naz
Ingat-Yaman: Gemma Rose Saliente
Tagapagbalita: Aaron Zachary Imperial
Taga-suri: Edfe Lucero
Business Managers: Mel Joseph Florendo, Anseli Clado

Hindi namin natapos ang pag-uusap kaya ang mangyayari magkakaroon ng pagpupulong bukas ng umaga.

ANG PAGSISIMULA NG BAGONG KAGANAPAN SA KLASE

Ngayon ang araw ng pagsisimula ng bagong kaganapan sa klase namin ng BEEd-2 sa sabjekt na ito. Ito ay pinasimulan nina Carla at Shiela Mae. Si Carla ang nagbigay ng tribya na patungkol sa Reggae at marami akong natutunan sa kanya katulad ng " kung sino ang ama ng Reggae " - ito ay si Bob Marley, "ano ang tawag sa kanyang hairdo" - ito ay tinatawag na dreadlocks na kung saan ang buhok ay ginagansilyo at hindi binabasa upang ito ay tumigas, "ano ang tawag sa nagpa-dreadlocks" - ito ay tinatawag na rasta, nalaman ko na ang kahulugan pala ng dreadlocks sa wikang Ingles ay "no God" na ginagawa ito sa buhok upang magtuligsa - nakuha ko ang impormasyon na ito sa telebisyon. Samantala, si Shiela Mae naman ang nagbigay ng balita na patungkol sa ulat-panahon na magaganap dito sa ating bansa. Ipinagpatuloy naman ni Robert ang pagtalakay sa hindi niya natapos na iuulat tungkol sa "Panahon ng Kastila". Naging masaya ang talakayan dahil kumanta kami ng awiting-bayan at may kasamang tunog buhat sa dala naming instrumentong musikal. Ipinaalam pala ni Sir noong nakaraang araw na mag-uulit ang nakatalakay na, kasi hindi niya alam kung ano ang ibibigay na marka para sa kanila at ang bawat magtatalakay o magtuturo, gagawa ng banghay-aralin. Kumanta kami ng isang awiting-bayan ng mga Bikolano na may pamagat na "Ako Baga Ikus", isinulat noon ni Anseli at Sir Irvin sa pisara ang alam nilang bersyon kung saan halos magkatulad din ito datapwat may kaunting pagkakaiba kung tututusin. Pinag-usapan namin ang mga halimbawa at uri na Panitikan na binanggit sa pag-ulat tulad ng panunuluyan kung isasalin sa dayalektong Bikol ay "harung-harong", senakulo na napapanod tuwing Mahal na Araw. Ipinabasa ni Sir Irvin kay Doming ang isang uri o halimbawa na panunuluyan na Bikol. Nabasa ng aking katabi at kaibigan na si Eva ang isa sa mga organayser at konklusyon niya ay maaring iyon ay ama ni Sir Irvin. Sinabi pla niya na sa darating na Disyembre 12, taong kasalukuyan may gaganapin sa kanilang lugar (Canaman) na "harung-harong" nais niya raw na kami ay pumunta doon upang mapanood ito. Hindi natapos ang pag-uulat ni Robert kung kaya't sa susunod na lamang ito ipagpapatuloy. Nabusog na naman ako ng panibagong kaalaman ngayong umaga, kahit pinagsasabay ko ang pakikinig sa kanila at pag-aaral sa World Lit. dahil may long quiz kami ngayong umaga.

ANG UNANG ARAW NG BAGO NAMING GURO

Karamihan ng estudyante dito sa Kolehiyo Ng Edukasyon ay naging masaya at mayroong kuryosidad sapagkat magkakaroon na ng substitute ang nag-leave naming guro dito na si Dr. Elsa E. Durante. Siya kasi ay nagkasakit at kinakailangan ng pahinga para sa kanyang kalusugan.

Ang aming dekana na si Dr. Zoraida A. Monserate ay nagpaalam na ngaayong araw ang simula ng bago naming guro sa Filipino Literature 1 - Ang Panitikan ng Filipino. Kanyang sinabi sa amin na iyo raw ay nirekomenda ng dekana ng University of Nueva Caceres at sa edad na 25 taong gulang nakapagtapos na ng Masteral Degree at gusto pang mag-aral ng Doctoral Degree ngunit siya'y sinabihan daw ng dekana ng University of Nueva Caceres na magturo na muna upang maranasan na ito sa unang pagkakataon. Pakitunguhan daw namin ito ng maganda na ipinangako naman namin kay Mam Zoraida.

Noong nakaraang araw ay nakita ko na siya na nakasuot na itim na polo at pantalon, naisip ko tuloy na siguro ang lungkot ng buhay nito o maaring emo. At sa pangalawang pagkakataon, sa pangalawang palapag ng silid-aklatan habang ako ay nasa proseso ng panghihiram ng aklat. Nang bumaba na ako, nakita ko siya na nagbabasa na hindi ko alam kung libro o ano pa man, malabo kasi ang mata ko kaya hindi ko masyadong nakita.Nag-iisa siya at nasabi ko sa sarili ko na gusto palagi nitong mag-aral, mag-aral ng mag-aral kaya siguro malaki na ang eye-bag nito kaysa sa akin (hahahahah).

Nang oras na ng sabjekt na Fil. Lit. 1 na kanyang ituturo sa amin, naghahanda kami kasi sabi ni Mam Zoraida, ito ang unang pagkakataon na siya ay magtuturo at sabihin daw ng aming mayor na kami ang adbaysori klas niya. Nakakatawa nga, kasi noong dumating si Sir, pumunta agad si Edizon sa unahan para ipaalam ito kay Sir.

Ang pangalan ng aming bagong guro ay Irvin P. Sto. Tomas. Siya ay ipinanganak noong Enero 6, 1983 sa lugar ng Canaman, Camarines Sur. Ang kanyang e-mail add. ay IrvinSto.Tomas@yahoo.com at ang cellphone namber niya ay 09186214105. Pinakuha niya kami ng isang apatang papel na kung saan ilalagay doon ang aming pangalan, edad, kapanganakan, kontakt namber, e-mail add., at pangalan ng mga magulang.

Ang magiging kaganapan sa klase kung siya ay dumating na, may magsasabi ng tribya at balita na bago o latest, pagkatapos nito ay talakayan sa klase ng piling mag-aaral na magtuturo na kung saan sila ay gagawa ng banghay-aralin at isasagawa ito.

May ipinakita siyang halimbawa ng blog sa amin at natunugan ko na siguro ay gagawa rin kami nito katulad ng binanggit sa akin ng kaibigan at dati kong kaklase. Kung gusto raw namin na bisitahin ito ay mangyari lamang na bisitahin sa www.coconuter.blogspot.com at www.delfindjmontano.blogspot.com. Sinabi niya sa aming lahat na bawat isa ay gagawa ng blog upang makapasa sa sabjekt na ito. Inisa-isa niya ang bawat hakbang nito sa amin kasi hindi pa kami nakakaranas na gumawa nito. Alam namin na mayroong blog pero hindi namin alam kung paano makakagawa nito. Kung tutuusin maganda ang pinapagawa ni Sir Irvin sa amin ngunit halos lahat sa amin ay kapos sa pera upang magkompyuter, kaya iyan ang napakalaki naming problema.

Magkakaroon daw kaming portfolio kung saan dito ilalagay ang mga draft na ilalagay sa aming sariling blog.

Maari raw kaming magkaroon ng reaksyon sa isinulat sa blog ng aming mga kaklase.

Sana magawa ko ng maayos ang draft at blog.